歐聯外第3圈最多人留意嘅戲碼，當然係馬德里體育會惡鬥史浩克04啦。馬體會本來已經有射手阿古路踢奧運，而科蘭盛傳被多間球會，包括熱刺挖角。勢估唔到馬體會咁嘅形勢仲敢將雷恩斯外借到葡超勁旅賓菲加，唔通真係對晉身歐聯分組賽咁有信心？唔好忘記，西甲始終比德甲遲開鑼，馬體會嘅狀態肯定好唔過對手，今次咁做，真係太冒險啩？