【本報訊】數以百計的家長為協助子女取得中六學額，早已有組織地搶佔「瞓街」有利位置，博取優先面試機會。尚有中六學額的中學校長承認，為免家長和學生淋雨，昨日惟有向等候者派籌，今日再展開收生程序時，難免讓他們優先面試，今日才排隊的學生一定較蝕底。
東區家長教師會聯會副主席趙明表示，近日曾陪多位家長在各區撲學校，家長們早於放榜前已部署，包括研究如何瞓街、「死𦧲」：「好多家長都教細路瞓街，譬如瞓喺北角嘅協同中學，可以最方便撲到最多學校，又好似去離島都好多着數。仲要睇邊度學額最多，計算競爭率，睇吓邊度有着數。」
位於東區的伊斯蘭脫維善紀念中學，校長羽智雲指前晚掛3號風球時，已有數十名家長及學生在校外等候，校方派人着他們回去不果，惟有派籌，「若依照收生程序今日（昨日）應該停止派籌，唔希望對今日冇排隊嘅人唔公平，因為我哋會面試有攞籌嗰啲學生。」他說，校方十分無奈，怎樣做都會「俾人鬧」。