文詠珊（JaniceMan）前晚一頭短髮示人，一直留誘人長髮的她表示對長髮look覺得悶悶哋，遂以日本旅遊時購買的靚假髮一改形象，前晚她一身pinklook現身在會展舉行的動漫節，竟與日前戴短假髮的好友兼競爭對手Angelababy十分相似！
文詠珊前晚在會展動漫節為電影《內衣少女》舉行簽名會，吸引約200名fans支持。JaniceMan一向留長髮，早前又試過素顏現身機場，前晚她則以一頭短假髮，配粉紅色裙仔現身，形象果真百變搶鏡。
齊飛日本買假髮
JaniceMan說：「之前去日本旅行，買咗啲假髮返嚟，一直我都係長髮，覺得有啲悶，咪戴假髮配搭吓，我又唔捨得剪咗佢，原來戴假髮好慳時間，因為唔使set頭，所以呢期會用呢個樣見人。」
她的好友Angelababy早前也是以短假髮示人，如今JaniceMan同樣大玩假髮，她說：「我唔知佢又係咁喎，呢啲係潮流，我哋之前去過日本旅行，大家都有買假髮，因為佢又覺得長髮太悶，咁下次大家夾吓啲打扮先出嚟。」
人山人海難閒逛
JaniceMan又表示今次選粉紅色裙出來，是為了配合動漫節活動，本來她想四周參觀其他攤檔，不過現場人山人海，為免引起混亂她還是簽名會後便離去。
此外，葉世榮前晚出席在動漫節一個音樂會，作壓軸嘉賓演出，同場還有其他樂隊演出，世榮透露說：「年底我會出新碟，我已經有三年冇出新碟，希望呢個年尾出到。」
採訪、攝影：馬建華、王連連
