擅長唱rap的歐陽靖今日推出首張廣東新碟，昨日他在旺角一間舊式茶樓舉行記者會，筵開數席以點心招待嘉賓，歐陽靖則以一身唐裝打扮出現，還有舞獅助興。
為奧巴馬站台
問到為何揀選在舊式茶樓舉行記者會？歐陽靖說：「因為我張碟有首歌叫《飲啖茶》，所以咪有咁構思。冇諗過可以出廣東rap碟，好開心，無論賣幾多都係成功嘅第一步。」
歐陽靖和美國民主黨總統候選人奧巴馬曾有一面之緣，他說：「之前我喺美國寫首歌放喺網度叫人投奧巴馬，結果反應好，奧巴馬方面嘅人聯絡我，之後佢喺紐約演講，我上台唱呢首歌，再由我介紹奧巴馬出場，大家有一面之緣同合照。」歐陽靖又透露很喜歡周星馳，曾在桌球中心見到星爺，對方還請他喝一杯，故覺得星爺很友善。
採訪：何永寧
攝影：陳順禎