《南華早報》財經版長壽專欄《Monitor》有成10年歷史，執筆嘅JakevanderKamp忽然講拜拜，噚日見報篇文係告別作。Jake評論尖銳，自知停寫會引來揣測，所以特別強調今次起身，並非被炒或同上司意見不合，純粹係見好就收。
Jake又話當年落腳《南早》，以為最多寫兩年，點知一寫10年，雖然佢經常批評人，但編輯冇施壓叫停，政府、商界都畀足面，讓佢暢所欲言，Jake臨別贈言認為香港應該盡快有普選，因為民主可令政府更有效率。
雖則Jake講到今次係大團圓結局，不過有《南早》中人透露，聽聞佢同編輯部早前就一篇文章內容有過討論，據講出街版本同初稿有別，之後有人可能意興闌珊，攞咗七位數字退休金去溫哥華嘆世界好過，難怪farewell時開懷暢飲。