前日AC米蘭被車路士大炒0:5，輸得咁「甘」自然有下文，教練安察洛堤發晒火，公開抨擊球員冇作戰態度。有傳AC想搵舒夫真高返去救亡喎，唉，越搞越亂。唯一開心係今季回巢嘅艾比亞廸，睇卡勒對車仔場波出晒洋相，叮得，斷估老將廸達都唔慌好得去邊，早排得到副會長加里安尼點名讚嘅艾比亞廸，來季穩列正選囉。