恒生銀行（011）副董事長柯清輝真係心繫奧運，前日恒生公佈中期業績，柯大班噚日隨即開記者會解畫，咁忙都掛住為香港奧運代表隊打氣，勉勵佢哋爭取好成績。柯大班當然明白打氣唔可以得把口講，所謂重賞之下必有勇夫，獎金最實際。今屆北京奧運，恒生繼續同香港體育學院合作，推出優秀運動員獎勵計劃，不論金、銀、銅牌，甚至攞到第4至第8名嘅運動員都有獎金。
上屆乒乓孖寶攞百二萬
上屆奧運會，奪得銀牌嘅乒乓孖寶高禮澤同李靜就一齊攞到120萬銀。而今屆參加奧運嘅香港代表成功奪金，可以得到100萬港銀獎金，銀牌同銅牌就分別有75萬同25萬銀。
華華翻查資料，發現唔少國家都以獎金激勵運動員，好似新加坡就以100萬美金重賞金牌得主。
恒生優秀運動員獎勵計劃
金牌
奧運個人：100萬 奧運團體：140萬
殘奧個人：6.0萬 殘奧團體：8.4萬
銀牌
奧運個人：75萬 奧運團體：120萬
殘奧個人：2.4萬 殘奧團體：4.0萬
銅牌
奧運個人：25萬 奧運團體：50萬
殘奧個人：1.2萬 殘奧團體：2.4萬
第4至8名
奧運個人：5萬 奧運團體：10萬
殘奧個人/團體：不適用
單位：港元 註：由恒生及體院平均負責