蘇超聯雙雄格拉斯哥流浪同些路廸早排一齊墮落，季前賽踢得好曳。到前日，些路廸以3:1打敗飛燕諾，總算係止跌之作，而禮拜二對格流嚟講就係生死存亡，事關佢哋喺歐聯外次圈次回合作客立陶宛卡奧拿斯（首回合和0:0），一吓唔覺意冇咗個歐聯席位，經濟損失事大。領隊禾達史密夫賽前就呼籲班球員要加把勁，即管睇吓班手下幫唔幫到佢。