當中國人遇上鬼佬，在李小龍電影的情節裏總係打埋一堆。但在飲食界，經過多年來交流，中西飲食文化融和早在茶餐廳中實現，「四正版」茶餐廳紅螞蟻今次再升級，以中式食材西式烹調，將中西文化在花雕×牛尾、烤鴨×葱油餅上盡情升級。
記者：張一豪
攝影：周旭文
Model：Edmond（StageModels）
西式烹調中式食材
香港在中西文化雜交下，形成的香港獨特飲食文化，茶餐廳就係一個好例子，近年香港多了不少「升級版茶餐廳」，當中「紅螞蟻」可以說是成功例子，他們有茶餐廳的多元化，亦有比茶餐廳更高幾班的創意和包裝。全新品牌「AntOne一品螞蟻」，首間食肆進駐鑽石山荷里活廣場，更發揮創意，炮製出一系列中西合璧，而且不失特色和味道的新口味。
今次新店的「新鮮煮意」相當創新大膽，將深入民心之中國傳統菜式，以嶄新烹調方法全新演繹。例如酥皮焗老酒燴牛尾，就用了中國的花雕酒去燴牛尾，然後再放入酥皮內焗，香醇酒味揮發過後，焗出牛尾肉的美味；另外香酥糯米手撕羊肉，以糯米做底層輕炸香，再鋪上手撕羊肉，再用粉漿封炸，羊肉汁滲入糯米內，蘸甜醬吃別有風味。
新推出「烤焗家鄉薄餅」系列，是用中式傳統葱油餅做成酥皮底，配以中、西式食材及烹調方法，帶出新奇感覺。而意粉系列，亦創意十足，有西式的烹調，加入中式食材，又或者東南亞風格，口感亦相當新穎。而記者一番推介，就係醉酒麻香凍法國鵝肝，先以現時流行的「SlowCook」慢煮法將法國鵝肝浸熟後，即時放入冰水冷卻，再將鵝肝放入秘製麻油、上湯及中國花雕酒等的秘製汁浸過夜，然後切片，入口甘香即化，而且無煎鵝肝油膩，完全是中西美食Crossover的最佳示範。
酥皮焗老酒燴牛尾$75
紅酒帶酸，燴出來的牛尾會香濃帶酸，但這個用花雕老酒去燴，肯定不會太酸，但估不到酒味融入汁底，更能帶出牛味，火候亦掌握很好，牛尾不軟不爛。
瑞士香葱金華火腿鮮蟹棒肉扁意大利麵$68
汁底很Creamy、很香，加上鮮蟹肉和點點香葱已很夾，但最大驚喜來自鹹香金華火腿，味道相輔相成。
醉酒麻香凍法國鵝肝$68
烹調方法有點像醉雞，製作方法繁複，兩大片都只不過賣$68，鵝肝Fans專誠去食這個菜，肯定無悔。
馬來喇沙花枝片雞絲軟殼蟹扁意大利麵$72
這亦是一個特別的Crossover菜式，意粉配喇沙汁底，配啖啖肉軟殼蟹，充滿馬來風味的意粉，大膽又相當令人滿意。
京式烤鴨肉葱油薄餅$68
這件薄餅賣相跟「Pizza」無甚分別，但吃下去，有點像烤鴨薄餅，以香脆酥皮葱油餅做底，帶出與別不同風味。
營運經理屈先生：
「我哋廚師團隊入面有一班中、西、東南亞大廚，將會諗更多大眾化又有世界各地特色嘅菜式，希望『一品』會成為餐廳另一個品牌。」
食客有Say
已經嚟第4次，啲嘢食唔錯，不過多數食Set，原來有啲咁特別嘅菜式，都會試下。
坐得都幾舒服，份量可以大啲就好，因為都幾好味。
AntOne一品螞蟻
地址：鑽石山荷里活廣場3樓311B號舖
電話：23219832