二人組合農夫前晚在九展開騷，雖然老闆陳冠希（Edison）只透過電話為他們打氣，但成員陸永和C君皆落力演出，除大講有味笑話外，更公然辣着不少圈中人火頭，連Edison也不能倖免，C君揶揄他的淫照事件說：「我哋老闆你哋都睇唔少！」笑爆全場。
陳冠希旗下組合農夫的「農夫舉高隻手演嘢會」前晚在九展舉行，這個音樂會原定於今年初舉行，但因他們的老闆陳冠希早前爆發淫照事件，擾攘多時至前晚終順利開騷，全場爆滿，並獲不少圈中人捧場，曾與Edison傳緋聞的趙頌茹更與男友周永恆拍拖而至，但其他Edison的緋聞女友則未見影蹤。
笑林一峰嗜男色
早前有傳Edison會返港睇騷，但前晚未見他現身，反而其生意拍檔KevinPoon及DJTommy則有到場。陸永和C君落台rap時，EO2成員即上前想除C君的褲，陸永即rap道：「佢哋冇見過男人，係咁攻擊，可能係張敬軒嗰瓣鍾意關智斌。」之後C君連老闆Edison也不放過，他抵死地說：「你哋諗住買400蚊飛入嚟見老闆（指Edison），記者都係咁，我哋老闆你哋都睇唔少。」觀眾即拍手大笑。
之後陸永作個人棟篤笑表演，他說：「我哋之前做咗麥玲玲代言人，啲人成日問我哋佢去咗邊，我就做埋唐（緋聞女友唐寧）嗰隻，又做埋老闆代言人，一日俾人問五、六十次『你老闆呢？』有人問我有冇睇《蝙蝠俠》，話佢只出三秒，佢又唔係蝙蝠俠，出三秒冇呃你，做荷李活大製作出三秒，notbadman。開騷前有同事同佢講電話，佢都有講『goodshow』。」台下即傳出掌聲。
被傳是斷背一族的嘉賓林一峰出場時，陸永笑問：「又話趕唔切返嚟，趕返嚟係因為我哋係男仔。」林一峰反駁說：「全世界唔止得你兩個男仔，又唔見我做EO2嘉賓？佢哋四個啦！」
台上講有味笑話
除辣盡圈中人外，C君又講有味笑話，當方大同上台時，他說：「聽講你學太極，我哋跟十郎鄧梓峰學三日詠春，師傅為我哋起名叫『陰陽二郎』，我叫陽郎。」陸永在旁笑說：「咁我係……唔方便講。」尾聲時陸永和C君合巹交杯，當他們說多謝Edison時，全場觀眾即拍掌歡呼。安哥時兩人穿上舉中指圖案T恤，貫徹全晚玩嘢作風。
採訪：李珮洳
攝影：陳順禎
