由日本男星唐澤壽明、豐川悅司同女星常盤貴子主演嘅漫畫真人版電影《20世紀少年》，首部曲將於本月30日喺日本公映。電影自開拍以嚟，女主角珈南嘅人選一直好神秘，噚日終於宣佈珈南一角落實由23歲嘅日本女星平愛梨扮演。平愛梨出道9年，上年參與電影面試，由3,000人中脫穎而出，噚日佢仲喺網誌中向fans報告喜訊。