鍾嘉欣噚日到商台接受訪問，佢將會喺本月20號推出新碟，佢話佢首新歌係講現代女性比較獨立，所以搞到冇拖拍，鍾嘉欣就同馮仁昭講歌詞嘅內容係佢個人心聲，鍾嘉欣話：「自己近排忙拍劇同唱歌，都好似女強人一樣，自己都想拍吓拖，好想有人照顧。」馮仁昭話佢有個緋聞男友林峰喺身邊，不過佢就話雖然林峰都好會照顧人，但同佢只係朋友關係。