祖雲達斯教練雲尼亞里近期得閒無事就串吓摩連奴，話佢嚟緊第一季去到意甲好難適應，應該幫唔到國際米蘭贏聯賽冠軍喎，遲啲仲想撬埋佢嘅愛將林柏特過嚟㖭。我求大俠都明白雲尼亞里點解咁唔妥摩連奴嘅，話哂當年佢係俾摩連奴迫「落車」，𠵱家仲懷恨在心都好正常。摩連奴遲啲實開口還擊，兩個前車路士領隊嚟場意甲舌戰都應該幾過癮喎！