陳敏之和莊思敏昨日到尖沙嘴出席活動，同場還有擁健力士世界紀錄的美國單車好手PeterRosendahl，其中莊思敏跟Peter玩騎膊馬，之後Peter踩上單輪車，嚇到莊思敏大叫，及後維持好平衡後繼續擺出靚甫士影相。
中暑變公主
陳敏之也嘗試踩單輪車，但全程要Peter扶着，及後兩位靚女又與其他單車好手大玩花式單車，氣氛熱烈。莊思敏說：「第一下真係嚇一嚇，因為我畏高。」陳敏之透露前日在大澳拍劇時中暑，要到附近民居休息，她說：「我瞓喺床度，屋入面啲小朋友圍住我，搞到我好似白雪公主，佢哋好小心咁照顧我，我好開心。」至於莊思敏前晚也有出席香港先生競選，她謂一早睇好朱允崇，更笑言看「泳裝」環節時血脈沸騰。
採訪、攝影：胡比