組合農夫前晚在九展舉行最後一場音樂會，成員陸永和C君繼續口不擇言踩盡現場嘉賓，又嘲笑楊千嬅和丁子高的緋聞。農夫老闆陳冠希（Edison）始終未見蹤影，陸永透露Edison指要待他們最精采的演出才會現身，故可能有排等。
前晚「農夫舉高隻手演嘢會」在九展StarHall舉行尾場，當晚同樣有大批圈中人捧場，農夫的老闆陳冠希始終未有出現，問到東亞老闆林建岳，Edison是否秘密返港？他說：「佢喺邊我唔知道。」
嘲鍾舒漫膚色
開騷不久，農夫兩位成員陸永和C君便落台狂rap，嘲笑捧場的圈中人，當見到皮膚黝黑的鍾舒漫時，他們便rap：「喺菲律賓見過佢，戴鼻環易破財。」擺明指她似菲傭，在黃浩然面前又笑說：「鄧鏡波校友，佢個人好大隻，其他地方就較短，其實係手指。」對着側田笑說：「我知你實冇買飛，要追你還錢。」
至楊千嬅上台時，C君笑說：「我唔夠高。」千嬅表示沒關係，C君即抵死地說：「我唔夠子高。」千嬅即反駁：「咁着高踭鞋。」唱完歌後千嬅突然跪拜農夫，兩人見狀嚇了一跳。林一峰當晚再度上台做嘉賓，他嘲笑一班香港先生說：「我聽朋友講話港男OK，個樣18、20咁，但智商就要減20。」
老闆越洋鼓勵
完騷後陸永和C君接受訪問，對於Edison已返港傳聞，陸永說：「我見唔到佢，但我哋有秘密通話，兩日臨開騷前有打，佢話goodshow同努力，一陣都會再打。」問到為何不叫老闆親身來捧場？陸永說：「佢有問我今次係咪最好嘅騷，我話唔係，佢就話等最好先返嚟睇，咁就真係冇止境，不過今次我哋都拍咗片畀佢睇。」
此外，農夫昨日到灣仔出席動漫節，即場與歌迷鬥玩online遊戲，並舉行簽名會。陸永玩遊戲時最開心，因為在旁的gamegirl不斷教他如何玩遊戲，故他最後最高分勝出。
採訪：駱華齡、王連連
攝影：葉君海
