現年40歲的台灣名模孟廣美，今年初被拍拖四年的意國男友騙去全家人的積蓄，據悉涉及金額達千萬之多。外表柔弱的她，事發短短四個月後已在香港簽新經理人，重新出發，拍西片、做主持。孟廣美直言一切只能接受，她說：「由零開始唔係壞事！我唔係要生要死嘅人，我會努力賺錢生活、還債。」
台灣名模孟廣美在現正上映的荷李活電影《盜墓迷城3》（TheMummy：TomboftheDragonEmperor）中，飾演奸角軍官，為救跌入大齒輪的黃秋生，不願放手，最終陪他慘死。現實中，孟廣美也被男人害得很慘，與她同居四年的意大利籍男友CorradoRiccio，突然被揭發原來是個大騙子，一刻間賠上愛情和畢生積蓄，更連母親的養老金、弟弟、朋友的錢財都失去，據悉涉及金額達千萬之多。
賣車賣樓賣傢俬
曾形容被舊愛拉到了地獄最底層的孟廣美，至今過了四個月，內疚、傷心都過去，情況比想像中OK，至少沒自殺沒發癲。孟廣美簽新經理人公司、拍電影、做主持，中港台美幾邊走，再次擔起全頭家。她前日在中環接受本報記者專訪，並且浸spa，她輕鬆地說：「近期喺香港簽咗經理人公司『香港星』，我十幾年冇搵過management。前日我嚟香港宣傳《盜墓迷城3》，今日要做三個訪問，遲啲有部獨立電影叫《馬己仙峽道》（MagazineGapRoad），係一個美國導演開嘅，佢曾經參與製作《色，戒》。我喺《馬》片入面要講普通話、廣東話同英文。」
被男友Corrado騙財騙色前，孟廣美與他住在大坑3,000呎豪宅，月租9萬，曾經坐頭等、租私人飛機，周遊列國；出事後，她退租、賣樓賣傢俬，停供以往男友以她名義買的兩架保時捷和平治跑車，連卡地亞手錶、LV篋都賣掉，現時她一切從頭開始，她也懂得自嘲說：「嚟咗香港12年，我有身份證，不過冇地方住囉，香港冇晒所有物業，由零開始過。」
為了省錢，她搬回北京定居，出入坐公車或的士，人人覺得她超慘，孟廣美卻已經調理好心情，她說：「冇外間睇得咁慘，其實我都幾開心，由零開始唔係壞事，我可以用番以前嘅經驗同人脈關係。𠵱家我長住北京，租咗個apartment，件事發生咗，身邊好多朋友義無反顧咁幫我。我𠵱家乜都做，電影、電視、主持，之前去台灣拍電視劇，日日都好忙，朋友又搵我開班教美容化妝。」
「我係愛情至上」
孟廣美出事後，很多好友，如琦琦都私下悄悄關照記者照顧她，她很感恩，自己也努力面對，她說：「冇得調校，我惟有接受，用愉快嘅心情，一開始當然係好shock，唔相信。我起初仲同情佢，擔心佢冇地方住，叫佢返嚟，由頭嚟過，後來佢反而話要分手。」
問孟廣美現在對Corrado可有恨？她說：「冇恨，真係冇唔開心，或者應該話過咗去，我唔可以一世帶住恨生活落去。我𠵱家可以維持到生活，家人嘅基本生活都維持到。我唔係要生要死嘅人，我會努力賺錢生活、還債。」
拍拖四年、同襟共枕的男人，原來有另一副臉孔，孟廣美卻沒被嚇怕，堅持相信愛，未來仍然會拍拖，她說：「我係愛情至上嘅女人，𠵱家我要focus做嘢上面，冇男朋友，都唔得閒，我係需要愛情嘅人，遇到，我都係一樣咁投入，但唔係𠵱家。」
採訪：DebbieLum、JessicaNgan
服裝：JustCavalli
化妝：M.LeeofBioBeautyCuture
場地：ClassicBeaute
「Isabella怕醜重感情」
孟廣美重新在娛樂圈出發，已參演大製作《盜墓迷城3》，片中她除了夥拍黃秋生，也有一場與女主角瑪莉亞比露（MariaBello）的對打戲。
「真係恭喜佢」
孟廣美深感幸運說：「呢套係我第二套西片，已經係1億美元（約7.8億港元）嘅大製作，雖然戲份唔多，但工作嗰幾個月都好開心。我係好實際嘅人，唔望喺荷李活做大明星，喺亞洲市場都好足夠。」
梁洛施（Isabella）在拍片期間與李澤楷傳緋聞，孟廣美對Isabella讚不絕口說：「雖然冇對手戲，但當時我哋日日見面，成日食飯。佢係一個好重視感情嘅女仔，好單純、好怕醜，好似小朋友咁。如果拍到佢同李生，真係恭喜佢！」
娛樂資料庫：不明花費揭穿騙局
孟廣美與意大利籍前男友CorradoRiccio於97年認識，相識11載，拍拖四年，關係更達談婚論嫁的地步，她更一直把血汗錢交由男友負責投資。直至去年9月，孟廣美發現Corrado在俄羅斯有不明花費，令她起疑。
今年4月，孟廣美在家發現男友的護照及現金不翼而飛，始發現他正準備留書出走，她跟男友談判不果後決定報警，兩人的感情也同時告終。
我是誰：靚模晉身荷李活
模特兒出身的孟廣美是台灣人，今年40歲，多年來遊走於中港台三地，拍下不少知名廣告，還曾於米蘭行時裝騷。97年她到荷李活與型男李察基爾（RichardGere）合拍電影《RedCorner》；其後她與吳大維合作主持節目而發展戀情，並曾與黃秋生傳緋聞。
孟廣美早年主要在港替鳳凰衛視主持節目《相聚鳳凰台》，她於剛上映的荷李活猛片《盜墓迷城3》中扮演女軍官。
