張敬軒、鄭融和周柏豪前晚現身沙田為應屆會考生打氣，軒仔表示早年在內地讀書時，同樣有類似香港會考的考試，他考八科但成績一般，結果未能進入理想學校。
軒仔說：「當年攞住成績表震住見父母，結果入咗間差啲嘅學校讀，第一日返學，隔籬女同學搽唔同顏色指甲油，又打好多耳窿，其他同學又講粗口又食煙，我上第一堂後就頂唔順走咗，打畀媽咪喊，話唔讀呢間學校，好後悔冇畀心機讀書，最後轉第二間學校。」
周柏豪泳池執屎
周柏豪則表示讀書時最好成績是體育，曾是籃球港青隊成員，入行前又教小朋友游泳和當救生員，問他是否吸引很多女仔埋身？他笑說：「唔係，當時做新仔只守BB池，不過我試過救個婆婆，做新仔好慘，冇乜人肯做嘅嘢都要做，其中一樣就係執屎。」
採訪：駱華齡
攝影：陳俊強