奇連士文真係腳頭唔好，執教拜仁慕尼黑之後，前排先輸完個德國超級盃俾多蒙特，喺友賽又成日都贏唔到，到𠵱家連首席射手東尼都傷埋。大家都知上季拜仁慕尼黑都係打東尼同列貝利兩個，𠵱家兩位仁兄咁啱約埋一齊傷，季初真係有排煩點樣入波。拜仁慕尼黑近3季主場對漢堡都未贏過，嚟緊買呢場一周五德甲揭幕戰嘅波友都要小心啲嘞！