𡃁界女模Angelababy（楊穎）前晚換掉一貫的長金髮look，改以黑色短髮造型到中環出席CLARINS秋冬彩妝系列發佈會，她擔任模特兒，由韓國化妝師即場為她化上新妝示人。
對於早前有「岩石胸」之稱的陳瑀涵批評Angelababy沒有身材，她聞言說：「每個人都有唔同嘅style，我係冇身材，但我唔會刻意豐胸，亦都唔會請教佢嘅豐胸心得，大家嘅美感係好唔同。」不過Angelababy直認自己太瘦，因此她不抗拒多食天然健康食品，如牛奶及木瓜魚湯增磅，Angelababy坦言：「我都想有番少少，唔好好似𠵱家咁。」
另外，Angelababy昨日與袁詠儀（靚靚）在跑馬地出席TsumoriChisato時裝騷，靚靚大呻早前帶兒子遊台灣，笑言全程被頑皮兒子虐待，又指老公張智霖與兒子同是野蠻小朋友。
Janice緊張新戲
至於另一位𡃁界女模JaniceMan（文詠珊）前晚出席在尖沙嘴舉行的打印機宣傳活動，講到她有份主演的電影《內衣少女》，於後日會舉行首映禮，本周五（8日）正式上畫，剛巧是奧運舉行大日子，問她可會擔心對票房有影響？她說：「日子係導演揀嘅，呢日係好日，大家各有各做冇乜影響，不過自己嘅心情有啲緊張，我覺得睇奧運同睇戲一樣咁吸引。」
採訪：魯萍、何永寧
攝影：仇志德
