由日本男星唐澤壽明、豐川悅司同女星常盤貴子主演嘅漫畫真人版電影《20世紀少年》，首部曲將於本月30號喺日本公映，片商為咗造勢掠多筆，宣佈喺今個禮拜三（6號）推出介紹呢部片嘅DVD《秘密大圖鑑上卷》，入面除咗有剪輯好嘅精華片段外，仲有一眾演員嘅訪問，夾夾埋埋有成43分鐘賣109港元，相信fans一定爭崩頭。另外兩部曲就暫定喺明年先上映。