連李準基都封佢做偶像嘅韓國男歌手徐太志，自從宣佈再戰樂壇以嚟都大受歡迎，好似佢前晚喺首爾開騷就十分巴閉，吸引咗超過4,000名fans逼入場欣賞，場外亦有3,000人為佢打氣。徐太志由一個設計成UFO嘅舞台出場，佢唱咗好多首歌，仲越唱越high，令全場為之瘋狂。有關精采片段將會喺今個禮拜三晚（6號）MBC電視台為佢而設嘅特備節目中播出。