好多韓星都鍾意拍遊戲機廣告，好似有張東健、元斌、宋慧喬等等，最新加入嘅就有拍過電影《墨攻》同《實尾島》嘅安聖基。呢個廣告由張東健同安聖基一齊演出，遊戲主要係訓練玩家用多啲腦，所以身為後生仔嘅張東健就細心地教前輩安聖基打機，教佢點樣篤吓個螢光幕攞分，𠱁得安聖基好鬼開心，鏡頭前後都笑聲不絕。