「皇氣」唔單止拍劇扮大哥指生晒，原來仲好鍾意搶人哋啲嘢嚟做。好似早排佢代表公仔箱上山採訪野火會，全世界都以為「大師」疼錫佢先至欽點佢去，但其實係皇氣喺選美出身嘅「慳妹」手上面搶嚟做。
向高層自薦
原來公仔箱一早搵咗慳妹做代表，因為覺得慳妹份人又乖又捱得兼夠硬淨，慳妹接到通知，獲委以重任梗係好開心，點知皇氣收到風之後，唔理咁多走去同高層自薦，話自己有上山經驗，適合過慳妹多多聲，加上皇氣有契媽「假姐」幫口，結果慳妹嘅大好機會就咁俾皇氣搶咗。
不過講番轉頭，皇氣爭住去上山都吃盡苦頭，換轉係慳妹，可能更加捱唔住，對慳妹嚟講，去唔成都係好事，唔使佢阿爸阿媽咁擔心啦！
Textby關仁
