【本報訊】商務及經濟發展局局長劉吳惠蘭發表「奸商論」引起商界不滿後，隨即改口說她批評的是30年前的情況，可惜仍未能平息商界的怒火。
「呢個理論行唔通」
自由黨主席田北俊昨日批評，難以理解劉太有關理論，指：「如果跟佢咁講法，做親商界就係奸商，咁個個大學生畢業後，咪都只可以做公務員？」
繼在港從商多年、縱橫二千集團（G2000）創辦人田北辰公開反駁劉吳惠蘭的「奸商論」後，其哥哥田北俊再炮轟劉吳惠蘭，指如果人人都如她一樣，只願加入政府做公務員，他不知道日後由誰負責交稅，出糧給公務員，「咁以後邊個交稅？公務員啲糧，全部都係靠商界賺到錢交稅，或者係商界請人做嘢後，再由佢哋交入息稅支付」。田批評，難以理解劉太為何覺得商界全部都是奸商，「佢（劉太）呢個理論，我唔覺得係行得通」。
劉太早前接受商台《有誰共鳴》節目專訪，自爆當年從未想過加入商界，因為「商界係好奸，商界非常凶險，為咗錢可以你爭我鬥、不擇手段，當人係賺錢機器，冇人受到尊重。」