Click入http://pie.appledaily.com收看
歡迎透過web-cam即時發表意見或致電29908648安排親身上場
電郵：mailto:[email protected]
網誌：http://pieatapple.wordpress.com
今個暑假，蝙蝠俠、雙面人、小丑等角色，再次成為大家嘅熱門話題。講吓講吓，大家可能會發現，喺香港政壇，雙面人實在太多，而蝙蝠俠似乎就連一個都冇……撰文：楊卓華
1
《蝙蝠俠──黑夜之神》本地賣座成績理想，不過唔少人睇完之後，都覺得今次《蝙蝠俠》同之前幾集好唔同，整個故事充滿政治訊息……
李力持：
今次蝙蝠俠嘅導演（ChristopherNolan），好慶幸佢上一集（《蝙蝠俠──俠影之謎》）嘅成功，似乎帶畀佢權力……今次我哋見到佢的確係一個好導演。
事實上，今次蝙蝠俠特別之處，係每個主角都被賦予不同嘅政治價值觀──
蝙蝠俠：
為咗守護核心價值，可以「政治不正確」地以暴易暴，但有底線（不殺人）。永遠不會成為「政治正確」的英雄。
雙面人：
追求「社會公義」，可以沒有底線，輸打贏要（手中銀幣兩面皆為公），係大眾心目中「政治正確」的英雄。
小丑：
邪惡，並充份了解蝙蝠俠的底線，以及雙面人「公義」走向極端的潛質。
2
李力持：
小丑係其中一個要入去（睇這套電影）嘅原因，（飾演小丑的HeathLedger）已離開人世，同埋演得好邪門……
文化人Edmond：
成套戲其實係小丑玩晒，佢甚至專登令蝙蝠俠救錯人，成功造就雙面人成魔。
雙面人嘅角色，政治寓意最深。原本係檢察官嘅佢，善於用法律實踐「社會公義」，但當佢出席富商BruceWayne（蝙蝠俠真身）嘅宴會（左圖），反而會覺得渾身不自在，令人想起標榜「社會公義」、同時又覺得「商界好奸」嘅劉吳惠蘭……
至於蝙蝠俠，佢唔會站在台前接受群眾嘅歡呼，喺傳媒面前唔識講「暴力係解決唔到問題」之類嘅「政治正確」說話。佢只會默默緊守崗位，保衞社會核心價值。持有呢種價值觀嘅，往往就係社會上嘅沉默大多數。
3
《蘋果批》高明輝：
老套啲講句，我都好想見到香港有個人，譬如話係一個立法會議員，可以好似蝙蝠俠咁，有唔怕被人鬧嘅「政治不正確」道德勇氣，保守住香港嘅核心價值。
睇番我哋嘅立法會，議員往往只識得「政治正確」，令香港嘅政治越來越走向民粹。昨日，立法會選舉截止提名，參選名單歷屆最多，當中希望會有代表香港人保守價值嘅蝙蝠俠出現……
