最近收到法國鐵衞杜林退休嘅消息，都要好欷歔咁講句「光陰似箭、日月如梭」。喺98年睇住法國贏世盃，杜林4強對克羅地亞梅開二度，我求大俠仲覺得好似係噚日發生嘅事咁。𠵱家杜林因為心臟病掛埋靴，固然係唔想搵條老命搏。而98年冠軍陣容入面只係得番韋拉、查斯古特、亨利同皮利斯呢4個球員較為活躍，真係十年人事幾番新。