車路士完成亞洲之旅，香港車路士官方球迷會經歷一個愉快的追「車」行程後，前晚到《拉闊足球場》直播室擔任嘉賓同樣愉快，皆因來自五湖四海的各方球迷（包括敵對球迷）都向「車仔」大送高帽，齊聲指廸高堪稱今夏轉會市場最佳收購。
意見
廸高加盟令隊波進攻流暢晒，係一個好似派路咁派到好牌嘅球員。佢同埋林柏特、波歷克係可以並存，因為3個作用有少少唔同。廸高控制個波多啲，而林柏特、波歷克就後上插入。今年目標係贏聯賽冠軍。
Marco（阿仙奴球迷）：派牌高手！
車路士令我又愛又恨，上季成日累我輸錢，但睇佢哋球星嘅腳法就值回票價。廸高係領隊史高拉利半個徒弟，加盟車仔肯定作用大，多咗廸高呢個技術咁好嘅派牌球員，唔單止幫到車路士好大忙，我哋由觀賞角度睇都係好事。
貼士
星期六3 皇家馬德里勝漢堡2:1（7.5倍）
星期六7 曼聯勝愛斯賓奴2:0（6.5倍）
星期六13 阿仙奴勝祖雲達斯2:1（8倍）
Eva、Alan（曼聯球迷）：我哋有排驚！
車路士上季已經打出好高水準，如果換埋瘀血舒夫真高肯定仲勁。車仔買入嘅廸高真係平、靚、正，肯定係今年轉會市場最好收購。你睇佢亞洲之旅3場波fit到漏油，又同林柏特合拍得好，我同老婆捧曼聯，今季有排驚。
貼士
星期六3 皇家馬德里勝漢堡2:1（7.5倍）
星期六7 曼聯勝愛斯賓奴3:0（7倍）
星期六13 阿仙奴和祖雲達斯3:3（60倍）
亞洲鐵人（無門派）：最佳收購！
廸高簡直係最佳收購，以前車路士雖然有好多粒星，但係中場組織能力唔好，多咗個好技術嘅廸高，進攻組織一定好。有咗呢個最佳收購，又搵到個好領隊史高拉利嚟，今季目標應該唔止聯賽冠軍，歐聯應該先係首要目標。
貼士
星期六3 皇家馬德里勝漢堡3:2（27倍）
星期六7 曼聯勝愛斯賓奴3:1（10倍）
星期六13 阿仙奴和祖雲達斯2:2（14倍）
《拉闊足球場》下次舉行日期：07/08
主題：曼聯之夜
想參加？即上 http://soccer.atnext.com/jp/soccer
節目重溫： http://sport.appledaily.com