唔好睇朗拿度𠵱家好似有咗咁，但係「肥哨」喺日本嘅人氣就一啲都冇跌。最近日聯榜首球隊鹿島鹿角，諗住用每年700萬鎊（約1億港元）買朗拿度個嘜頭，用「肥哨」嘅肖像權周圍宣傳。大家試諗下，鹿角出手咁闊綽，可想而知回報肯定唔少。唔單止咁，鹿角仲諗住同朗拿度簽多張約，等佢掛靴之後做鹿角嘅球會大使。與其係咁，不如就𠵱家撬佢過檔啦！