樂基兒近期迴避傳媒訪問，她昨日剖白因近期被某些記者針對，經常向她講難聽說話，令她感到傷害而多次落淚。樂基兒昨日訪問中途，一時感觸又再次眼濕濕，連黎明阿婆fans都封利是安慰她。
近日迴避做訪問的樂基兒，昨日與JaniceMan及黃長興在尖沙嘴LCX示範ckCalvinKlein腕錶。樂基兒完騷後又馬上走人，記者叫住她，她才主動走到記者堆做訪問，問她為何近期避開記者？她說：「可能我病咗幾個星期，啲功課有壓力，同埋俾個記者整喊咗幾次，所以休息咗一排。」
放假否認退休
難道樂基兒遭記者的問題為難？她說：「有時都唔係問問題，有時我行緊紅地毯，佢喺側邊講嘢。」她續說：「我有少少hurt，就因為我覺得呢個記者我都識咗好耐，好似你哋咁，都做嘢好多年，突然間我覺得佢係咪好似性格變咗，唔知係咪我對佢做錯咗啲乜嘢，定係可能佢唔鍾意我，我為呢樣嘢喊咗幾次，其實佢講啲說話係hurt唔到我。」
對於早前傳出有意退休，樂基兒則否認並表示只是放假返美國休息，她說：「唔係退休，我手頭上仲有兩個jobs，不過會takeabreak，騷就會接少啲，我下星期放假返美國同屋企人度假，放完返嚟再睇吓。」突然又說：「好hurt㗎之前，我喊咗三日，可能係個記者唔鍾意我啦……」樂基兒停頓幾秒後有點感慨，開始眼紅流淚，她即時用手指拭去，匆匆返回後台。
阿婆利是定驚
之後樂基兒由助手陪同下離開，中途有黎明的阿婆fans向她派利是，並安慰她說：「唔好唔開心，身體健康！」
此外，同場JaniceMan之前被影到與男友拍拖到澳門看美國國家籃球隊作賽，她謂不會刻意迴避，她說：「睇波又唔係唔見得光，我哋都冇避開，不過，sweet還sweet，我哋唔會當眾kiss。」
採訪：羅慧敏
攝影：陳志嵐
