李克勤前晚在八和周年晚會上與汪明荃（阿姐）合唱一曲《劍合釵圓》，太太盧淑儀、父母和岳父也有專程前來撐場，結果嚇到克勤腳震流汗兼演出失準。對於曾傳緋聞的郭可盈，日前自爆收曖昧短訊，克勤急忙澄清與他無關。
一連三晚的「香港八和會館慶祝成立五十五週年演出晚會」前晚在高山劇場舉行第二場，除八和主席汪明荃和羅家英等40多位名伶參與演出外，前晚更請來李克勤擔任嘉賓，與阿姐合唱一曲《劍合釵圓》，克勤的太太盧淑儀、父母和外父也有前來捧場，但他們只站在台邊欣賞，未有坐在觀眾席上。
流一額汗
當克勤出場時，全場觀眾均報以熱烈掌聲，但因克勤不擅演唱粵曲，在唱到某些部份時表現未如理想，現場觀眾遂忍不住笑出來，就連克勤亦忍不住在台上說：「自己未震完，我聽到有人笑，唱戲曲我係BB仔，過去三日我不停練，連瞓覺都記住曲詞。好可能囝囝好快識唱。」克勤臨落台時，竟忽然無厘頭的擦無綫鞋說：「睇奧運睇無綫，同埋睇我哋，多謝觀眾忍受咗我咁耐。」引得台下觀眾哈哈大笑。事後克勤接受訪問，他表示太太及家人前來捧場令他更加緊張，驚到震之外更加一額汗。
曾與克勤傳緋聞的郭可盈，日前自爆曾收到曖昧短訊，令她與丈夫林文龍冷戰，對此克勤說：「我有睇，不過唔關我事。」對於可盈視他為哥哥，克勤說：「咁so（着數）？拍劇時會熟啲，拍完之後就好少聯絡，有段時間冇見。」至於可盈說與他傾心事，克勤解釋可能自己形象健康所致。
阿姐中暑
原來阿姐日前有輕微中暑和發燒，所以首場未有出現，就算前晚也是抱病出席。問家英哥可感心痛？他笑道：「梗係心痛啦。」問他連日來可有特別照顧阿姐？他說：「我都要忙八和啲嘢，不過都有同阿姐電話聯絡嘅！」此外，阿姐大讚克勤唱功有感情，表現值120分；而稍後八和會開粵劇班，藉以吸引青年一輩。
採訪、攝影：馬建華
