張可頤和伍詠薇昨日到中環7號碼頭出席一護膚品活動，兩人分別穿上白色裙示人，張可頤被問到是否即將結婚時即說「好煩」，她說：「𠵱家每日都好順利、好開心，都有內地劇搵我拍嘢，𠵱家揀緊。休息咗咁耐仲有咁多機構搵我做嘢好開心，𠵱家已經完全康復，但係都要調理身體同埋每兩個禮拜見一次醫生。」問到是否因愛情滋潤時，她即說：「啋！感情嘢唔講喇。」
伍詠薇赴京
同場出現的伍詠薇提到將前往北京出席奧運開幕禮，她說：「有內地朋友搵咗兩張免費飛，所以我請咗3日假，好開心作為中國人可以見證呢個興奮時刻。」她續說：「咁多人一齊唱國歌係一份光榮，不過我淨喺識哼未識唱，所以褲袋入面有歌詞。」她又提到本來亦得到游泳決賽門票，不過因為拍劇而只能二選一。
採訪：藍文浩
攝影：陳順禎