尊尼組合嵐隊長大野智，日前俾日本雜誌《週刊現代》踢爆吸大麻兼玩3P，雖然佢同尊尼事務所都死口否認，但由嵐擔任廣告代言人嘅手提電話供應商au，就表示會剪走大野智演出嘅畫面。另外，尊尼事務所亦因為呢件事，同《週刊現代》所屬嘅講談社出版社關係惡化，仲下令禁止尊尼男星喺講談社旗下雜誌出現。