剛結束與亞視合作的王賢誌（Vinci），前晚抽空亮相《蘋果》網站直播節目《娛樂開CHAT》，他透露早前到北歐旅遊，當他在當地得知有報道指其好友湯盈盈與錢嘉樂拍拖，他說：「我睇到報道話佢（湯盈盈）去嘉樂嗰度自己識㩒密碼，我心諗佢都成日去我嗰度啦，又唔見識㩒密碼！」
「佢冇否認囉」
主持人懷鈺問王賢誌、盈盈樂樂是否真的一對？他又有否詢問過盈盈？他說：「有，我有打過畀佢，佢冇否認囉！不過，都冇承認喎。」Vinci更表示男未婚女未嫁，故拍拖也是正常事。此話一出，似乎證實盈盈樂樂果真是一對了。
另外，Vinci透露將會到北京欣賞奧運，他說：「我知道會睇閉幕禮再加一啲比賽項目，但係因為啲飛係我朋友買，所以我都未知到時會睇乜嘢。」大家可登入《蘋果》網站 http://ent.appledaily.com隨時重溫節目。
採訪：葉雪 攝影：陳俊強
懷鈺髮型：MattChiu（XenterJut）