阿里巴巴（1688）主席馬雲噚日喺香港向全球前首富蓋茨立下戰書，睇吓二、三十年後邊個可以為世界創造更多富翁！佢噚日應菁英論壇出席「中國改革開放30年」研討會，向香港青少年講吓青年人喺國家改革開放中嘅機遇同責任。佢講笑話好多人將佢同蓋茨比較，佢就認為自己同蓋茨只有一個共通點，就係大家都「長得不漂亮」。
講到蓋茨捐出580億美金身家善舉，佢認為呢個模式係好，但唔係最好，對中國嚟講，能夠創造更多就業機會更為重要；所以佢唔想同蓋茨比身家，但係對於邊個可以令更多人富起來，馬雲就有較大興趣，仲話可以同蓋茨喺二、三十年後嚟一次比拼。馬雲以往一直掛喺口邊，要阿里巴巴喺國內大批量創造千萬富翁。