近年的書展，大家的焦點多落在一眾推出寫真的女藝人身上，書展的簽名會都變了女星鬥性感、鬥多人排隊的戰場。以致其他有出書的藝人都被冷落，就連今年推出散文集及DVD、最喜歡搞噱頭的ILoveYouBoyz（艾粒）也笑言自己沒有36D身材，只可以爆基史來搶鏡。
二人組合ILoveYouBoyz的少爺占和Donald於今年推出散文相片集《艾粒老爺車》以及DVD《艾粒電視台3》第二版，阿占笑言他們沒有36D的迫爆身材，但也決定推出「美男」DVD，不讓一眾出寫真集的女星專美，他說：「由於我同Donald冇JJ嘅33C，更加冇趙碩之嘅36D，但係我哋兩個有佢哋冇嘅扁平胸，所以我哋都要一展美好身段畀大家睇睇。」
自詡花樣少年
原來《艾粒電視台3》第一版的封面是卡通肖像的阿占及Donald，而第二版的封面是艾粒二人赤裸上身，以「美男」形象示人，Donald表示：「咁𠵱家興花樣少年，我覺得我哋兩個都可以係花樣少年，影呢輯相嗰日都好辛苦，成個過程都係要赤裸上身，下身只可以着熱褲，一路影仲要一路搽油同補妝，返到屋企冲幾次凉都冲唔亁淨身上啲油。」阿占笑言對他們的美男封面信心十足，並指銷量應該不比女藝人的寫真差。
回憶快樂時光
艾粒又覺得寫《艾粒老爺車》一書時十分開心，因可以一邊寫一邊回味小時的趣事，Donald說：「我記得其中有一篇叫《我是基嗎？》，我寫嘅時候先諗起中學時同個好朋友反面，原來佢嬲我成日用手踭頂住佢，佢以為我係基嘅，於是同我反面。」
採訪：李珮洳 攝影：仇志德
場地提供：PageOneCafe