張達明年前經歷其棟篤笑低潮生涯後，今年決意捲土重來，加料玩寸中港兩地怪現象，銳意保持在港的棟篤笑地位，繼而搶佔內地棟篤笑巿場。
張達明自04年後，再度踏上棟篤笑台板，在下月舉行棟篤笑「人仔無敵」。達明面對現時激烈競爭，他透露會加入新元素，在演出中使出極速換衫大法，在台上變身不同造型配合主題。達明預告，當中內容包括中華鱘死亡之謎、二奶香港搵仔、星期日到內地消費、爛尾樓等話題。
讚林海峰好潮
達明指單純棟篤笑，最考驗表演者的能力，對於現今香港多位棟篤笑人馬，他以不同角度去欣賞。達明指黃子華是棟篤笑始祖，哲學性強，堅持以自己方法去做；詹瑞文是個劇場，會用很多道具、服飾，豐富整個畫面；林海峰很潮，他的演出是演唱會與talkshow的混合，達明說：「佢根本就係一個歌星，佢今次『高山青龍』部份，足足有45分鐘，好犀利！」
達明對於眾多對手，自言自己最能與觀眾接近，他說：「我會引發觀眾同我對話、玩形體動作，之前試過3分鐘演3集《魔戒》，都係幾大挑戰。」
再闖內地𢱑銀
達明慨嘆香港觀眾很難服侍，他說：「佢哋好知嘢，咪使旨意呃佢哋錢。太急去做一個騷，令人哋同自己都唔滿意，最終損失都係做衰自己個名。上年接咗亞視一個棟篤笑做，係做得幾失望，因為自己只係對住個鏡頭，冇現場觀眾，冇人畀到反應，只係拍完一段，個攝影師就出去煲煙，完全唔知自己做成點，我原先預講15分鐘，後來節目要加長到一個鐘，直接令質素下降，自己覺得好唔滿意。」
達明年初曾在廣州舉行港人首個棟篤笑演出，每場吸引1,600多人入場，反應熱烈，無疑為他打了一支強心針，完成香港演出後，他計劃再在內地演出，狂賺人民幣。
採訪：張俊銘
攝影：林德雄
場地：ZAZAbar&club
化妝：KeniceNg（ThePream）
髮型：WIRayHui（hairConcept）
服裝：DKNY
