潮媽徐濠縈昨日在銅鑼灣出席美容院開幕，其女兒跟她都是貪靚一族，她就狂踩老公陳奕迅皮膚差，大數他生暗瘡、樣殘、有眼袋和面色差四大毛病，要經常煲湯及催谷他飲雞精提神。
徐濠縈和文詠珊（JaniceMan）等昨日在銅鑼灣出席DermaGlow光學美肌中心開幕禮，任代言人的內地名模戴小奕，一身白裙露香肩及長腿撐場。
女兒貪靚要化妝
甚少出席同類活動的徐濠縈，表示純粹捧場，她說：「老闆娘係我囡囡個同學仔嘅媽咪，所以嚟支持朋友。好好笑，我𠵱家嘅朋友圈子好廣闊，有明星朋友、名人朋友、潮人朋友，仲有媽咪組別嘅朋友。」徐濠縈透露女兒康堤年紀小小已經十分貪靚，她說：「佢都會將啲化妝品、護膚品搽上面，仲指定要用我用緊嗰幾樽，我惟有將佢啲小朋友用嘅，換落我啲樽度。」
徐濠縈更大踩老公陳奕迅（Eason）的皮膚，她笑說：「佢又有暗瘡、又殘、又有眼袋，面色又唔好，真係要飲多啲雞精。佢唔鍾意飲無味嘅清水，所以開騷時，我都會煲湯畀佢，不過，佢幾enjoy做facial同按摩。」JaniceMan則自爆因手毛腳毛多，夏天穿短裙、短褲十分尷尬，最想脫毛。
楊婉儀乖仔插鼻
此外，楊婉儀與夫婿王瑞勳及一對子女一家四口，路經時代廣場，兩夫婦一人抱一個子女，王瑞勳大方上鏡，素臉沒化妝的楊婉儀，為了保護兒子臉孔，不停用手遮掩，但兒子卻非常好奇，左扭右扭，更用手指插鼻孔玩。
採訪：LawWaiMan
攝影：ChenWaiOn