車路士完成亞洲之旅後，隨即轉戰歐洲的俄羅斯打鐵路盃；而雖然他們要舟車勞頓，但英超隊早已習慣，加上經過3場友賽後狀態漸起，故周五在莫斯科對莫斯科火車頭，有力贏波入決賽。（球賽編號：星期五4；有線61及64台明日1:15am直播）青蛙仔
車仔先後在廣州、澳門及吉隆坡對FC廣州、FC成都及馬來西亞國家隊，並錄得全勝兼入了13球。消息指有球員抱怨行程太緊密，惟「食得鹹魚抵得渴」，球員個個人工高，部份周薪更逾10萬鎊；而且效力英超隊亦早已習慣及有心理準備應付頻密賽程，相信對士氣甚至臨場發揮不會有影響。
林柏特或續拍廸高
車仔對上3仗對手實力甚弱，球隊未受考驗，但領隊史高拉利場場排強陣，並試了幾個陣式，當中包括4-1-2-1-2及4-3-3等。預計今對火車頭，他會出最好人腳，林柏特與廸高或會連續第4場在中場合作，因小登科而遲了歸隊的波歷克亦可能會上陣。
俄超正在進行，火車頭的作戰狀態毋庸置疑，惟實力始終在車仔之下，即使有恩巴爾夫及舒切夫等俄國腳撐場，料亦難望爆冷。
西維爾下盤博得過
另一個決賽席位，將由AC米蘭及西維爾爭奪（球賽編號：星期五2；有線61及64台今日10:30pm直播）。AC今季有大變動，但新兵朗拿甸奴因踢奧運未有隨隊，尼斯達、恩沙基及波里路等則因傷缺陣，故未能強陣出征。
相反，西維爾以強陣出征，隊中包括於上季西甲共入了40球的路爾斯法比安奴及簡路廸，故今仗受讓AC平手/半球，下盤捧得過。
賽制︰
法定時間打和便加時三十分鐘，再和就以十二碼分勝負；勝方晉級決賽，負方爭季軍。
貼士
混合過關/波膽過關
星期五2西維爾（下）x
星期五4車路士勝（1.68）2x1
星期五2AC米蘭和1:1（6.5）x
星期五4車路士勝2:1（7）2x3