容祖兒昨日聯同泳兒、鍾舒漫、吳浩康及洪卓立等師弟妹，到觀塘apm出席「英皇新秀歌唱大賽2008」記者會。大會播出泳兒和鍾舒漫等參加新秀時的片段，然後他們即席演繹當年的參賽歌曲，並由大師姐容祖兒評分。
祖兒表示多年前參加卡拉OK歌唱比賽時的錄影帶，因火燭而燒毀了，她說：「我好記得參賽時得15歲，當時化咗個白面女妖妝，加烈燄紅唇look，個頭又用好多gel去整，着埋件白裙仔，真係好得人驚，不過我好勇於面對自己嘅過去，冇以前邊有今日！」祖兒自言初入行曾以天涯歌女look示人，她覺得驚嚇程度甚高。
泳兒最怕忘年戀
另外，對於梁洛施早前表示接受忘年戀，泳兒表示自己接受不了，因為怕溝通不來，她說：「讀書時有個大我十幾年嘅人追我，但我拒絕咗，我覺得真係溝通唔到。」
採訪：李珮洳
攝影：陳順禎