國際足協日前就宣佈，所有球會都一定要放走23歲以下嘅球員去打奧運。最開心嘅就一定係美斯啦，佢就一早講咗好想幫阿根廷拎金牌，而家國際足協下咗道「聖旨」，連死纏爛打嘅巴塞隆拿都要屈服囉！不過，史浩克04同雲達不來梅兩間德甲球會都好唔順國際足協嘅做法，又話要上訴咁。其實班後生仔咁想代表國家，啲球會放佢哋走咪算囉！