鄧麗欣（Stephy）在愛情喜劇《內衣少女》中，一反過往錫身的密實玉女形象，首次以性感的內衣造型在大銀幕亮相，在戲中表現愛浪漫的她，強調現實中希望覓得安全感，反而不要靚仔作男友。
鄧麗欣在新片《內衣少女》中放下玉女包袱，在戲中飾演一名內衣調查員，Stephy首次性感地身穿胸圍內褲，大膽在鏡頭前演出。Stephy表示在戲中與扮演不同古怪男孩的演員合作，包括鄭中基、黃又南、農夫及安志杰等，交織出引人發笑的愛情故事。
浪漫煮飯仔
Stephy在戲中飾演一名活潑精靈的陽光女孩，滿腦子卻是很多古怪幻想，沉醉在自己的浪漫世界，她說：「角色同我個人性格啱啱相反，我係個好實際嘅人，諗嘢會現實啲。」
口說自己是實際型女孩，但Stephy亦嚮往浪漫愛情生活，她說：「最浪漫係曾經兩個人喺屋企煮飯食，感覺好sweet，亦有收過花，但係如果叫我攞住會覺得好老套，返到屋企媽咪見到都打個突。」
不相信童話
現年24歲的Stephy強調不太相信童話，她認為世事沒有完美，對於感情取捨，她說：「人長大咗，希望得到安全感，搵嘅都係可以結婚嘅對象，唔係要靚仔，𠵱家可能遇到但係唔發覺，最理想係喺35歲前結婚。」
場地：Touchofspice
髮型：VincePang@ILColpo
化妝：KRISWing
採訪：張俊銘
攝影：陳俊強
