奧運馬術賽於香港舉行,絕對是香港人的盛事,有得入場睇奧運更係千載難逢嘅機會,大家梗要帶齊長短火拍照留念!不過要知道,拍攝運動項目與拍攝一般旅遊風景照不同,無論從裝備到技術都有特別留意之處。今日我哋就請來相機專家,醒你拍攝運動項目的有用貼士,等你一落場就可以拍得快、狠、準!
記者:許福合、陳國輝
攝影:王文忠
Model:Rain
攻略1 必備200mm長鏡
近排單鏡反光相機一再跌價,一萬蚊樓下機型已經有齊十幾款可以揀。相機品牌Olympus的專家Noble對入場睇奧運的用家推薦使用單鏡反光相機,原因係可因應需要換鏡頭。由於今年奧運保安森嚴,千祈不要妄想有機會近距離拍攝到運動員及比賽,所以入得場又想拍照,必定要配備一支火力充足的大炮型鏡頭!Noble畀定貼士你,鏡距焦距最好有200mm以上比較理想。
至於用上高倍數焦距拍攝,防震自然要考慮在內。可惜要入場睇馬術,大會基於保安理由,連腳架都不得帶進場內,所以只能靠防震系統盡可能穩定拍攝。現時因應不同品牌系統,有分為機身及鏡頭防震,用家亦須注意。
攻略2 快門光圈要平衡
拍攝運動項目,由於主體快速移動,所以使用高速快門自然無錯。Noble指出不妨將感光度提高,方便用家在選用高快門同時,可以收細光圈拍攝。收光圈用意其實亦與快速移動主體有關,當運動員移動時,較細光圈能有較長景深作拍攝,運動員失焦機會較少,效果亦較佳,所以話要拍到靚相取決於快門與光圈的平衡。
因應香港馬術賽,Noble提醒觀眾可考慮使用Pan鏡效果拍攝馬匹,會獲得類似賽車的動感效果。另一重點係留意馬匹顏色,若然馬匹毛色較深,可以減曝光補償,避免相片過份Under;相反,要拍攝白馬就要提高曝光補償。
攻略3 認清奧運拍攝規則
Noble提到另一個注意事項,可能好多人會忽略,就係防水措施。奧運馬術賽期間,即使有雨,都不能使用雨傘,所以要預先為相機預備好防水衣,巿價約二百多元左右。其實,部份高階單鏡反光相機如OlympusE-3及鏡頭已經具備防水滴機身,即使遇上雨中作賽都不怕錯過重要一刻!各位可能留意到以上貼士都沒提過閃燈,原因又係因為馬術賽不准使用閃光燈拍攝。其實由於拍攝距離相當遠,加上戶外場地,閃燈作用有限,亂用閃光燈反而影響到他人觀看。
細機也要高倍變焦
數碼相機要拍攝遠距離運動項目的確比較蝕底,如果你的相機未有18倍以上光學變焦,相片效果定必差強人意。如OlympusSP-570UZ就有20倍光學變焦,相當於35mm的26-520mm,相片內運動員起碼不會太細。而拍攝技巧與單鏡反光相機相似,同時可使用預設運動模式拍攝,可以方便對攝影認識較淺的用家使用。不過由於數碼相機對焦速度反應較慢,要準確捕捉到運動員拍攝,難度就比較高。
OlympusE-3
售價:$12,990/$19,990
(套裝連SWD12-60mm鏡頭及FL-50R閃燈)
OlympusE-3小檔案
感光元件:1,010萬像素LiveMOS
快門範圍:60s-1/8,000s
感光度:100-3200
連拍速度:5fps
記憶體:CF、XD
屏幕:2.5吋
電源:專用鋰電池
體積:142.5×116.5×74.5mm
重量:810g
OlympusSP-570UZ
售價:$3,990(連2GBxD卡)
用上一支20倍光學變焦鏡頭,相當於35mm的26-520mm。
查詢:Olympus(23762150)
奧運馬術賽拍攝規則:
1.可以拍攝作私人用途。
2.觀眾席內禁止使用閃光燈。
3.不要使用腳架、雨傘。
4.不可使用無線電發射設備。
5.衣着及相機器材以輕便為主。
網址: http://www.equestrian2008.org
奧運配件支援
除了一機一鏡之外,其實仲可以預備一些小配件,令你影得更方便、效率更高,不妨留意以下配件那件啱你。
相機雨衣
這件專為相機而設CameraProtecterCover,可以將全機身包藏在內,連鏡頭都可以收藏好,只留一個鏡頭孔拍攝,落雨照影!而機面設有透明膠,可以觀看機背屏幕。
八爪魚腳架
腳架從來都係攝影重要器材,這支JobyGorillapod腳架只有手臂般長,3隻腳可以扭動使用。不過今年奧運保安嚴密,不建議帶腳架進場,否則搞到無得睇就無癮喇。
遮光罩
遇上猛烈陽光,就係遮光罩出動時候,拍攝運動項目亦一樣適用。
防水相機袋
這款Jenova5800EN相機袋可以放兩個Body及兩支鏡頭,方便周圍影相用家使用。同時附有防水套,落雨都不用擔心。
鏡筒
相機有相機袋,昂貴鏡頭更應好好保護,搵個專用袋裝住佢,影得更安心。
查詢:DCPower(23846698)