江美儀早前與高寶娛樂集團旗下紅夢文化簽下三年經理人合約，準備大展拳腳，較早前她在公司安排下到美國公幹，公司更安排她會見當地一些製作人，其中就包括將開拍新片的奧利華史東（OliverStone），她覺得奧利華為人友善，更是一個十分專業的製作人，她說：「佢嗰間公司好有規模，好多元化，喺美國同英國都會接工作，有時都會去英國登台同剪綵。」
順道探親
江美儀表示其家人在美國定居，所以她此行也因利乘便順往探親，她又笑言有一次在市集目睹一件事令其眼界大開，江美儀說：「有次我去市集行街，突然有道白光閃過，原來有一大班全祼嘅男女上街遊行，個太陽又猛，啲人膚色又白，佢哋出嚟係為咗宣揚爭取世界和平，不過個個都唔着衫，有啲仲喺身上畫圖案當衫着，真係一個奇景。」撰文:林妃