今年港姐亞軍陳倩揚同落選港姐高海寧、梁倩汶早前喺加勒比海拍攝外景，玩小組遊戲贏咗6萬獎金，佢哋三個人商量過，決定將獎金捐去四川賑災，三位港姐噚日去咗電視城出席「《2008香港小姐競選》善款捐贈儀式」，將6萬蚊聯名支票轉贈慧妍雅集，由慧妍雅集代表楊婉儀接受，楊婉儀話𠵱家籌得200萬善款，佢哋會全數捐去四川災後重建。