傅穎（Theresa）昨日到新城接受訪問，她自爆近這個月被一名狂迷困擾，昨日凌晨12時多發現該名狂迷伏在她大門口偷聽她屋內的情況，即時嚇得Theresa花容失色並趕緊扣上防盜鏈，她說：「其實我前後發現過佢三次，之前佢有試過坐喺屋門外打畀我，話知我瞓咗覺，我先至知有人喺出面，雖然我喺防盜眼睇唔清楚佢個樣，但我真係好驚，仲成日有心理陰影，一聽到屋外有聲就忍住呼吸睇下出面有冇人等。」
考慮報警
Theresa表示公司為免對方變本加厲，已表明考慮報警備案，而Theresa之後出入也會安排公司男同事接送，她亦會物色新居搬遷及改電話號碼，至於有否向緋聞男友林孝賢求助，她就笑說：「我真係暈低，唔識答，總之唔會麻煩朋友，自己亦都會加鎖同埋帶防狼器出街。」
採訪、攝影：駱華齡