已故巨星鄧麗君嘅胞弟鄧長禧，本月23日突然喺上海病逝，遺體喺當地火化後，前日下午兩點運返台灣，靈位暫時安放喺台北第一殯儀館附近嘅「菩提心」，前日舉行頭七儀式，鄧長禧嘅三哥鄧長富話，雖然弟弟過世，但基金會仍會繼續推動各項活動，而追悼會應該喺8月初，亡弟將同父母一齊葬喺金寶山。