散戶炒股，最怕一樣係你在明、人在暗。好多情況一般散戶根本唔知。此話怎講？就好似昨日中國無線（2369）咁玩法，早市時段該股隨整體電訊股而炒到㷫烚烚，一度勁飆至0.55元，成交急增，預計應該有不少散戶湊熱鬧，但好多人仍未嘗到甜頭，未幾就體會到何謂股海凶險！
下半場中國無線發出「盈警」，指內地電訊業重組令公司銷售額下降，預期08年中期業績將虧損。股價即時「打倒退」11.3%至0.43元收市。一般散戶若炒即市，見股價略回多數唔肯「投降」，但再等多陣，股價一跌得深，等同無機會止蝕。
下一站直指33元
業務連番重組後已變身成公用股的北京控股（392），自7月展開升浪可謂強勢畢露，近日走勢突破旗形，昨升4.4%，報29.75元，而10日線亦升破50日線利好，料升勢有餘未盡，下一站直指33元，以26.50元止蝕。