甚少穿婚紗示人的樂基兒，早前以一身銀藍妝容為婚紗店拍攝宣傳照，她大讚充滿詭異美，更大讚這個「屍新娘」造型夠得意。樂基兒多次傳出與黎明結婚消息，她自爆理想的新娘裝，竟是披頭散髮、素臉穿拖鞋的沙灘look！
任模特兒多年，原來樂基兒對穿婚紗的工作十分挑剔，她早前為高級婚紗店CentralWedding&Occasions拍攝婚紗宣傳照，是她入行以來第二次穿婚紗拍硬照。
「𠵱家覺得Sweet」
宣傳照在中環一間酒吧取景，樂基兒換上六套名貴婚紗及晚裝，包括ReemAcra、MoniqueLhuillier和BadgleyMischka等。化上誇張銀藍眼影、披上頭紗、更要木無表情的樂基兒，與一般甜蜜新娘的歡欣笑臉，完全迥異。攝影師今次拍攝的概念，是以怪誕屍新娘為靈感，氣氛及效果都帶有絲絲詭異神秘味道。
樂基兒對此說：「我唔係咁易接着婚紗嘅工作，呢次係我入行咁多年，第二次着婚紗影硬照。以前覺得着婚紗唔襯自己，𠵱家就覺得好sweet。同埋今次個概念好特別，好有趣，我唔介意做屍新娘，好得意，所以先接呢個project。」
一定拍照留念
樂基兒揚言不會因穿婚紗而加價，她謂小時候也會替Barbie穿婚紗，問她的夢想婚禮及婚紗是怎樣？她說：「感覺舒服就OK，我結婚嘅話，會淨係披一條白紗裙，唔化妝、唔set頭，只着拖鞋或者平底鞋，舒舒服服喺沙灘度過就得喇。」問黎明是否穿禮服？她說：「冇所謂，佢鍾意就OK，不過我哋仲未有計劃。」但她矢言將來一定會拍攝婚紗相，留下美麗回憶。
採訪：LawWaiMan
攝影：ChanShunChing