鍾麗緹（Christy）啱啱呢個星期一（28號）生咗同老公嚴錚首個愛情結晶，佢順產生下重6磅1安士嘅BB女，係繼佢同外籍前夫所生嘅女兒Yasmine後第二個女。嚴錚噚日仍難掩喜悅之情，佢接受電話訪問時用普通話講：「本來是8月8日奧運（預產），後來提前喇，估計是8月1號，沒想到那天我們還在外面吃晚飯，中途她作動，我們才趕到醫院，都沒有準備好。」
陣痛個半鐘
鍾麗緹趕到醫院後，陣痛咗一個半鐘頭，之後就順利生個B女，陪入產房嘅嚴錚大讚太太鍾麗緹話：「她很堅強，連打麻醉都沒打，醫生說她身體很強壯，女兒也很健康，樣子嗎？大家都說像我，大眼睛，但我看就有點像太太。」
嚴錚話個女中文名要留番算命師傅改，英文名就叫Jaden，佢話：「我自己名字是J字開始（Jon），我妹妹名字中間有Jade，就是碧玉，我們覺得Jaden這名字很可愛。」問到佢榮升父親嘅感覺點？佢話：「我一直都在做呀，我們有Yasmine，都是自己女兒，可能因為有過一次意外（指鍾麗緹流產），這次真的非常開心，也很激動。」本身係音樂人嘅嚴錚，仲話可能會將呢段生女嘅經驗寫番首歌㖭！