薛凱琪（Fiona）與方大同和房祖名的三角關係，一直撲朔迷離，前晚方大同帶同母親，與Fiona雙親齊捧她演出，而嘉賓張敬軒更自爆不敢拖Fiona怕方大同呷醋。
薛凱琪前晚在九龍灣國際展貿中心舉行「拉闊變奏廳」，並得周國賢和張敬軒做表演嘉賓，Fiona除了獲雙親撐場，緋聞男友方大同更帶同母親同來打氣，看來二人的關係十分密切。
答謝歌迷灑淚
Fiona這晚以鄭秀文（Sammi）做主題，大唱她的經典金曲。Fiona穿上粉紅熱褲配同色絲襪，又唱又跳揭開序幕，當歌迷送上一束氣球時，她又拿着滿場飛。周國賢也戴了一副粉紅色眼鏡，與Fiona合唱Sammi的《愛是》，二人大跳貼身舞，可是周國賢的舞姿十分騎呢，他又忽然咬着自己的領帶，非常搞笑，Fiona則扮Sammi腔，卻似十足菲傭說話。
其後Fiona換上露腰小背心大唱《熱愛島》，跳舞時更由腰自摸到上胸，令全場尖叫不斷。當談到過去一年到台灣發展，但歌迷仍不離不棄，她即感觸落淚。
不過全晚高潮卻是軒仔出場時，他與Fiona手拖手合唱《捨不得你》，然後又互相擁抱，Fiona很感謝軒仔肯改女仔key遷就，看到台下歌迷的笑臉，軒仔問：「係咪笑我對腳幼過你（薛凱琪）？」他又表示不敢拖Fiona，怕翌日見報捱罵。事後問軒仔到底是怕方大同還是房祖名鬧？軒仔竟答方大同，他說：「因為佢好少發惡。」究竟方大同和Fiona的緋聞可是真？軒仔說：「呢啲要留番佢哋講，我下次會問佢，不過，我怕佢會問番我。」
有興趣睇淫照
對於方大同兩母子捧場，更與Fiona父母同場，被取笑見家長，Fiona說：「佢媽咪好goodtaste（有品味），嚟聽我啲歌。其實我哋每次有演出，媽咪都會跟住去聽，所以咪見到，唔係見家長。」此外，近日網上誤傳有Fiona的淫照流出，她說：「呢個係惡作劇，我冇做唔使驚，我有興趣睇吓啲相，但如果key要key個好身材畀我，唔好有肚腩。」
採訪：駱華齡 攝影：林德雄